E trishtë: Ndahet nga jeta gazetarja e njohur shqiptare

  • E.K /
  • 08 maj 2021 - 14:16
E trishtë: Ndahet nga jeta gazetarja e njohur shqiptare

Një prej emrave të njohur të Radio Tirana International, Dashuri Murati, ndërroi jetën ditën e djeshme në moshën 68 vjeçare pas një sëmundjeje të rëndë.

Zonja Murati filloi punën në Radio Tirana International në vitin 1976, në seksionin e gjuhës turke.

Që prej atij viti, e derisa doli në pension, zonja Murati ishte një prej njerëzve me përgjegjësi të lartë dhe sa e sa herë është shfaqur në takime zyrtare të delegacioneve të nivelit të lartë mes dy vendeve.

Dasha, bashkëshorte e diplomatit Shaban Murati gjithashtu, kujtohet nga kolegët e saj në RTSH për profesionalizmin dhe përgjegjshmërinë e lartë.

Rrugën e ndjekur nga ajo mes gazetarësh e pasoi I biri, Erl Murati, që sot mban detyrën e kryeredaktorit të Gazeta Shqiptare.

Dashuri Murati ka fituar respektin e të gjithë kolegëve dhe dëgjuesve të saj gjatë punës dhe aktivitetit të saj të gjithanshëm në historinë e programeve të Radio Tiranës në gjuhën turke dhe më gjerë.

Për shkak të situatës së Covid-19, ceremonia do të zhvillohet në një rreth familjar, ndërkohë që familja lajmëron se pritjet do të zhvillohen të dielën në Hotel Mondial, nga ora 10.00 deri në orën 19.00.

(Kosova Sot Online)