Lexoni edhe:
Haradinaj tregon kë e ka shef të Shtabit Zgjedhor të AAK’së për Prishtinë
Morën kritika nga opozita, Sveçla: Vendimi i sotëm nuk ka të bëjë me Mini-Shengenin
Pas akuzave që iu bënë nga ushtruesi i detyrës së PDK’së, Enver Hoxhaj, lidhur me vendimin e sotëm për të cilin pretendohet se i hap udhë Mini-Schengenit ballkanik, ka reaguar Ministri i Punëve të Brendshme, Xhelal Sveçla.
Sveçla me anë të ‘Facebook’-ut të tij personal ka thënë se ky vendim nuk ka të bëjë me Mini-Schengenin, duke thënë se kjo ka të bëjë me dialogun.
“Vendimi në mbledhjen e sotme nuk ka të bëjë fare me mini-shengen, por ka të bëjë me nisma në kuadër të procesit të Berlinit në të cilat Kosova duhet të jetë palë e barabartë.
“Procesi i Berlinit është ide dhe nismë e Kancelarës Merkel, kurse zona mini-shengen apo më saktë Novi Sad është ide e Vuciq dhe mbështetet nga ai”, ka thënë Sveçla.
Kryetari i PDK-së, Enver Hoxhaj ka akuzuar kryeministrin e Kosovës, Albin Kurti se ka filluar zbatimin e Mini-Shengenit, e sipas Hoxhës, vetë Kurti e quante këtë projekt “Jugosllavia e Re”.
Hoxhaj tha se ende pa filluar zyrtarisht dialogu Kosovë-Serbi, Kurti po zbaton ‘mini-shengenin’, ku sipas tij, Kosova nuk trajtohet e barabartë me vendet e rajonit.
“Kryeministri Albin Kurti ende pa e nisur zyrtarisht dialogun me Serbinë, sot paska marrë vendim për nisjen e zbatimit të mini-shengenit ku Kosova nuk trajtohet e barabartë me vendet e rajonit. Kohë më parë kur ishte në opozitë, këtë nismë rajonale Albini e quante Jugosllavi e re. E pra tani me dorën e tij e nisi Jugosllavinë e re andaj urime Albin!”, ka shkruar Hoxhaj.
(Kosova Sot Online)
