Lexoni edhe:
Të përcillet me kujdes pasuria e krerëve të nëntokës kriminale
Dy të rinj nga Prishtina kapen me drogë në Kukës
A.V., 23 vjeç, dhe V. B., 22 vjeç, banues në Prishtinë janë kapur me substancë narkotike të llojit kanabis, në Morinë. Një 23-vjeçar nga Prishtina, i shpallur më parë në kërkim pasi ishte dënuar me 6 muaj burg nga Gjykata e Durrësit për veprën penale “Mashtrimi” është arrestuar në doganën e Morinës.
Njoftimi i plotë i policisë:
Vihen në pranga 2 shtetas, për veprën penale “Trafikimi i narkotikëve”.
Reklamë
Njeri nga të arrestuarit i shpallur në kërkim nga DVP Durrës, për mashtrim.
Specialistët për Hetimin e Narkotikëve në DVP Kukës bënë arrestimin e shtetasve:
A.V., 23 vjeç, dhe V. B., 22 vjeç, banues në Prishtinë.
Në hyrje të Pikës së Kalimit Kufitar Morinë, gjatë përpunimit dhe verifikimit të të dhënave në sistem, shtetasi A. V. ka rezultuar person në kërkim, pasi Gjykata e Rrethit Gjyqësor Durrës e ka dënuar me 6 muaj burg, për veprën penale “Mashtrimi”.
Si rezultat i kontrolleve të shtuara, bazuar dhe në analizën e riskut të bërë nga shërbimet e Policisë, është kaluar në vijën e dytë, për kontroll më të imtësishëm, automjeti tip “Audi”, me të cilin udhëtonin shtetasit A. V. dhe V. B.
Gjatë kontrollit të kryer në vijën e dytë, në çantën e krahut të shtetasit A. V. u gjet dhe sekuestrua në cilësinë e provës materiale një sasi lënde e dyshuar narkotike kanabis.
Materialet i kaluan Prokurorisë së Rrethit Gjyqësor Kukës, për veprën penale “Trafikimi i narkotikëve”.
(Kosova Sot Online )
