Vjosa Osmani sot vendos për datën e zgjedhjeve lokale

  • E.K /
  • 02 qershor 2021 - 08:00
 Vjosa Osmani sot vendos për datën e zgjedhjeve lokale

Presidentja e Kosovës, Vjosa Osmani, sot do të takohet me përfaqësuesit e partive politike në vend, për të diskutuar rreth datës së zgjedhjeve lokale.

Këtë  e ka konfirmuar këshilltari për media i Osmanit, Bekim Kupina, i cili ka deklaruar se takimi i Presidentes është paraparë të mbahet të mërkurën me të gjitha partitë.

Tashmë është konfirmuar se Osmani do të takohet me përfaqësues të AAK-së, sot në ora 17:00, ndërsa, oraret e takimeve me partitë tjera ende nuk janë bërë të ditura.

Ndryshe, zgjedhjet komunale do të mbahen në tetor të këtij viti.

Disa nga partitë politike tashmë kanë zyrtarizuar kandidatët e tyre me të cilët do të garojnë në zgjedhjet komunale.

(Kosova Sot Online)