Lexoni edhe:
Banditët në aksion kundër Qeverisë Kurti!
Grabitje nën kërcënim të armës në një pompë të derivateve në Podujevë, lëndohet punëtori
Një tjetër grabitje ka ndodhur në orët e para të mëngjesit të së dielës në Podujevë.
Në një pompë të derivateve, nën kërcënim të armës, janë vjedhur para të gatshme dhe cigare. Rastin e ka konfirmuar edhe Policia e Kosovës në raportin e saj ditor.
“Podujevë, 13.06.2021 – 04:00. Ankuesi mashkull kosovar ka informuar se katër persona të maskuar, nën kërcënim të armës së zjarrit i kanë grabitur para të gatshme dhe cigare. Ankuesi ka pranuar tretman mjekësor, pasi që ishte i lënduar në kokë dhe ishte i shqetësuar. Rasti është duke u hetuar nga njësitë relavante policore”, ka njoftuar PK.
Ngjarja ka ndodhur në fshatin Sfeçël, ku kanë qenë katër grabitës. Nga po i njëjti, janë vjedhur rreth 800 euro dhe rreth 40 pako cigare.
Duhet theksuar se një tjetër rast i tillë ka ndodhur edhe të shtunën që lamë pas, ku janë arrestuar nga Policia e Kosovës tre të dyshuar.
(Kosova Sot Online)
