Vjosa Osmani ia kërkoi dorëheqjen Valdete Dakës?

  • E.K /
  • 14 qershor 2021 - 12:55
 Vjosa Osmani ia kërkoi dorëheqjen Valdete Dakës?

Në një takim që ka ndodhur sot në presidencë, presidentja e Kosovës, Vjosa Osmani ia ka kërkuar dorëheqjen kryetares së KQZ-së, Valdete Dakës.

Mediat raportojnë se brenda takimit që u mbajt sot presidentja i ka kërkuar  Dakës dorëheqjen nga pozita udhëheqëse në KQZ.

Media ka kontaktuar përmes telefonit Dakën dhe këshilltarin e Vjosa Osmanit, Bekim Kupinën.

Asnjëri nga ta nuk është përgjigjur në pyetjet e Gazetës për të parë nëse ky informacion është i vërtetë.

Nuk dihen arsyet që kanë çuar deri te ky vendim i presidencës.

Këtë vit Kosova do të ketë në vjeshtë zgjedhjet lokale, derisa, mbledhjet e fundit në KQZ ka një kohë që po përcillen me tensione në mes të Dakës dhe Vetëvendosjes.

(Kosova Sot Online)