Lexoni edhe:
Qeveria Kurti nuk shkon për ekskursione në Bruksel, me forcë politike dhe fakte mposhtet presidenti serb Vuçiq!
Një përdorues i aplikacionit TikTik ka habitur shumë njerëz dhe ka nxitur reagime, pasi ka publikuar një mënyrë të çuditshme të përgatitjes së picës përmes shalqirit e jo përmes brumit.
Oliver Paterson e publikoi javën e kaluar videon e tij me udhëzime se si të përgatitet ky lloj i picës. Në vend të brumit, ai përdor një copë shalqiri, të cilën e fërgon dhe më pas ia hedh sipër përbërit që zakonisht përdoren në pica.
Videoja e tij është bërë shumë e popullarizuar dhe deri tani është shikuar 2.5 milionë herë. Shumica e komentuesve janë të pakënaqur me recetën. Dikush tha se ky është “krim lufte”, shkruan Daily Mail.
“Doli të jetë shumë e shijshme në fund. Duhet ta provoni një herë vetë”, tha autori i videos, por komentuesit nuk ishin të bindur nga këto fjalë.
“Kurrë nuk kam parë diçka më të gabuar se kjo”, shkroi një komentues. Dikush tjetër u tall pak duke thënë: “Një nga shenjat e Covidit është humbja e shijes, ju lutem izolohuni dhe qëndroni të sigurt.”
(Kosova Sot Online)