Lexoni edhe:
Kjo është drejtësia që e po amniston, nuk po e lufton krimin e organizuar!
A fshihet Thaçi e Veseli pas përzgjedhjes së Memli Krasniqit si shef I PDK-së?
Ish-ushtruesi i detyrës së kryetarit të Partisë Demokratike të Kosovës (PDK), Enver Hoxhaj, ka thënë se Memli Krasniqi e ka përgatitje dhe vizionin për të qenë i pari i PDK-së.
Hoxhaj shtoi se PDK-ja duhet të nisë rrugën e fitoreve.
“Ne bëjmë përpjeke që përmes kësaj Konvente ta ndryshojmë partinë. Nuk ka pozita me tapi në parti, ajo duhet hapet në planin përmbajtësor që të ketë ide të reja”.
“Zotëri Krasniqi e ka përgatitjen dhe vizionin për të qenë kryetar i ri i PDK’së, kuptohet nëse këtë e vendosin delegatët”, tha Hoxhaj.
Ai ka treguar edhe se a ka pasur kontakte me Hashim Thaçin e Kadri Veselin.
“Nuk kam folur për shumë javë me Thaçin e Veselin. Çdo vendimarrje që kam marrë në këtë ta tetë muaj në parti, e kam marrë vet dhe nuk kam marr me nga ndonjë telefonatë nga Haga”.
Hoxhaj shtoi se PDK-ja do të kthehet si parti e parë në zgjedhjet lokale që do të mbahen në tetor të këtij viti.
“Zgjedhja e kryetari të ri duhet të reflektojë Kosovën e vitit 2021. Qëllimi i Konventës është për të rikthyer PDK-në në partinë e parë nacionale.
“Jam i bindur se prej Mitrovicës e deri në Prizren, PDK-ja do të kthehet në shumë komuna dhe do të mbajë komunat që ka në zgjedhjet lokale”.
“Zgjedhjet lokale do ta rikthejnë PDK-në dhe kemi kandidatë shumë të mirë. Shoqëria në vend ka ndryshuar dhe PDK-ja do të jetë më gjithëpërfshirëse”.
(Kosova Sot Online)
