Arrestohet gjilanasi, ia mori 118 mijë franga duke e mashtruar

  • G.G /
  • 08 korrik 2021 - 10:23
Arrestohet gjilanasi, ia mori 118 mijë franga duke e mashtruar

Të hënën mbrëma është arrestuar një person në Gjilan, pasi që i njëjti kishte detyruar një person që të i jap 118 mijë franga zvicerane.

I dyshuari i kishte kërkuar 118 mijë franga me arsyetimin që ai i kishte kryer disa pagesa të punëtorëve që kanë qenë obligim i viktimës.

Lajmi është bërë i ditur përmes raportit 24 orësh të Policisë së Kosovës dhe i dyshuari me vendim të prokurorit është dërguar në mbajtje.

“Gjilan 05.07.2021 – 23:20. Është arrestuar i dyshuari mashkull kosovar, pasi që i njëjti kishte detyruar viktimën mashkull kosovar, që të i jap 118 mijë franga zvicerane me arsyetimin që ai (i dyshuari) i kishte kryer disa pagesa të punëtorëve që kanë qenë obligim i viktimës. Me vendim të prokurorit, i dyshuari është dërguar në mbajtje”, thuhet në raport.

(Kosova Sot Online)