Lexoni edhe:
Reagon ambasadori gjerman pasi ish-gjyqtari i EULEX-it raportoi para Kuvendit të Kosovës
Ish-gjykatësi Simmons i reagon ambasadorit gjerman: E-mailat dhe dokumentet janë aty që t’i shohin të gjithë
Ish-gjykatësi i EULEX-it, Malcolm Simmons i është kundërpërgjigjur ambasadorit gjerman në Kosovë, Jorn Rohde, pasi ky i fundit e quajti si përgënjeshtrim bindës reagimin e EULEX-it kundër ish-gjykatësit të tyre.
Simmons i ka replikuar ambasadorit Rohde duke i thënë se dokumentet janë aty për t’i parë të gjithë.
“Le të dëgjojmë nga EULEX-i dhe nga shtetet anëtare gjatë shqyrtimit publik. E-mailat dhe dokumentet janë aty që t’i shohin të gjithë”, ka shkruar Simmons.
Ambasadori gjerman në Kosovë, Jorn Rohde, u shpreh i shqetësuar pse Kuvendi i Kosovës i ka dhënë platformë ish-gjykatësit të EULEX-it, Malcolm Simmons për siç thotë ai kampanjën dezinformuese të Simmons.
Rohde ka mbështetur reagimin e EULEX-it duke e quajtur si përgënjeshtrim bindës për pretendimet e pabazuara të Simmons.
“Përgënjeshtrim shumë bindës dhe gjithëpërfshirës i EULEX-it për pretendimet e pabazuara. Unë thjesht habitem pse Kuvendi i Kosovës ende i ofron ish-gjykatësit Simmons një platformë për ta vazhduar këtë fushatë të dezinformimit”, ka shkruar Rohde.
Very convincing and comprehensive #EULEX rebuttal of the unsubstaintiated allegations. I just wonder why the Kosovo Assembly @KuvendiRks still provides former judge Simmons with a platform to continue this disinformation campaign. https://t.co/wB3kOZQnWD
— Ambassador Jörn Rohde (@GermanAmbKOS) July 13, 2021
(Kosova Sot Online)
