Lexoni edhe:
Detaje nga helmimi i mbi 1 mijë e 500 qytetarëve në Deçan, në mesin e tyre edhe 51 fëmijë
Zyra rajonale për Media e KRU ‘Hidrodrini’ në Pejë, përmes një njoftimi ka bërë të ditur se uji në Pejë, Istog, Klinë dhe Junik është në rregull dhe se asgjë nuk ndërlidhet me rastin e fshatrave të Deçanit.
Nga kjo zyrë kanë thënë se uji në këto komuna është i pijshëm dhe plotëson të gjitha standardet e verifikuara nga IKSHPK.
“Pra, informatat dhe gjendja e paqartë me fshatrat e Deçanit, është shqetësim i lokalizuar në vete dhe siç dihet, të gjitha mekanizmat janë në funksion të zgjidhjes së situatës atje në shërbim të përmirësimit të shëndetit qytetarë”, thuhet nga Hidrodrini.
Njoftimi i plotë:
Në Pejë, Istog, Klinë dhe Junik – uji është i pijshëm
Të nderuar konsumatorë, pas shfaqjes së problemeve shëndetësore me banorë të fshatrave të Deçanit e ku fillimisht u dyshua se uji i pijes mund të ishte faktorë helmimi, tashmë kanë filluar të shprëndahen informata të pasakta për komuna të tjera të zonës tonë të mbulueshmërisë.
Andaj, me këtë rast, KRU ‘Hidrodrini’-Pejë
Njofton opinionin dhe konsumatorët, se uji, në komunat; Pejë, Istog, Klinë dhe Junik është i pijshëm dhe plotëson të gjitha standardet e verifikuara nga IKSHPK.
Pra, informatat dhe gjendja e paqartë me fshatrat e Deçanit, është shqetësim i lokalizuar në vete dhe siç dihet, të gjitha mekanizmat janë në funksion të zgjidhjes së situatës atje në shërbim të përmirësimit të shëndetit qytetarë.
Lusim qytetarët, të mos bien pre e asnjë informate të pa verifikuar. Të gjitha informacionet e sakta, në kohë reale, do të ndahen me publikun, në faqen tonë zyrtare këtu dhe në media.
Me respekt;
Zyra për Media e KRU ‘Hidrodrini’ – Pejë.
(Kosova Sot Online)