Lexoni edhe:
Thaçi ishte shantazhuar, i kishte siguruar Vuçiqit marrëveshje për ndarje të plotë të veriut të Kosovës
Inspektori i ndërtimit në Prizren shpallet fajtor – dënohet me burgim dhe mbi 21 mijë euro
Gjykata Themelore në Prizren e ka shpallur fajtor inspektorin e ndërtimit, N.M., për keqpërdorim të detyrës zyrtare.
Në njoftimin e Gjykatës bëhet e ditur se N.M. nuk i ka përmbushur detyrat zyrtare, me qëllim të përfitimit të dobisë për disa investitorë në vitet 2016-2017.
-Në periudhën kohore prej vitit 2016-2017 në Prizren në cilësinë e personit zyrtar – inspektor komunal i ndërtimit në Prizren, duke shfrytëzuar detyrën apo autoritetin zyrtar nuk i përmbush detyrat zyrtare të tij me qëllim të përfitimit të dobisë për tjetrin, respektivisht investitorët “………..” me pronar N.K., dhe investitorin “…….” me pronar S.V., në atë mënyrë që nuk ndërmerr konkluzion për rrënimin e katit të tetë (8) të kompleksit ndërtimor në lagjen Jeta e Re, i cili objekt ka pasur leje për ndërtimin P+B+7 dhe ka ndërtuar një kat pa leje P+B+8, gjithashtu i akuzuari N.M., ka mundësuar që në objektin e banimit kolektiv në Prizren ndërtimin edhe të tre (3) kateve shtesë pa leje, ku leja e ndërtimit ka qenë B+P+2 ndërsa është ndërtuar B+P+5, me ç’ rast investitorëve i’ u mundësohet dobi një (1) kat në rastin e I-rë, dhe tre (3) kate në etazhitet të objektit në rastin e II-të”, thuhet në njoftimin e Gjykatës.
N.M. është dënuar me burgim me kohëzgjatje prej 10 muajve, ndërkaq obligohet që Komunës së Prizrenit të ia kompensojë fëmin në shumën prej 21 mijë e 551 euro e 85 centë.
Po ashtu, atij i ndalohet ushtrimi i funksionit në administratën publike në afat prej 2 viteve.
“Andaj Gjykata, në kuptim të Kodit Penal dhe Kodit të Procedurës Penale, të akuzuarin e GJYKON: – Të akuzuarën N.M., me dënim me BURGIM në kohëzgjatje prej 10 (dhjetë) muajve. – OBLIGOHET i akuzuari N.M., që Komunës së Prizrenit të ia kompensojë dëmin e shkaktuar për dy objektet në shumën prej 21,551,85 euro. – Të akuzuarit N.M., i ndalohet ushtrimi i funksionit në administratën publike në afat prej dy (2) viteve. Pas shpalljes së aktgjykimit, kryetari i trupit gjykues ka njoftuar palët që brenda afatit ligjor të gjithë palët në procedurë do të pranojnë aktgjykimin e plotë në formë të shkruar dhe të arsyetuar. Kundër këtij Aktgjykimi pala e pakënaqur ka të drejtë ankese në Gjykatën e Apelit”, thuhet në njoftimin e Gjykatës
(Kosova Sot Online)
