Lexoni edhe:
Vdekje e dyshimtë në Prishtinë
Bideni ndan 100 milionë dollarë fond emergjent për refugjatët afganë
Presidenti i Shteteve të Bashkuara, Joe Biden, të premten autorizoi deri 100 milionë dollarë nga një fond emergjent për t’i plotësuar nevojat e papritura e urgjente që po dalin nga situata në Afganistan, tha Shtëpia e Bardhë. Bideni gjithashtu e ka nënshkruar lëshimin e 200 milionë dollarëve për shërbime dhe artikuj për t’i plotësuar nevojat e njëjta, thuhet në njoftimin e qeverisë amerikane.
Shtetet e Bashkuara po përkatiten që të evakuojnë mijëra aplikues afganë për viza speciale imigruese, të cilët janë të rrezikuar nga hakmarrja e talibanëve për shkak se kanë punuar për qeverinë amerikane.
Grupi i parë i të zhvendosurve dhe familjarët e tyre pritet që të arrijnë në një bazë ushtarake të ShBA-së në Virgjinia, ku do të presin për trajtimin përfundimtar të aplikimeve të tyre për viza.
Vizat speciale janë të qasshme për afganët që kanë punuar si përkthyes ose në detyra të tjera për qeverinë amerikane pas hyrjes së trupave amerikane në Afganistan më 2001.
Zyrtarët amerikanë thonë se rreth 18.000 aplikacione për viza të tilla janë duke u shqyrtuar.
(Kosova Sot Online )
