Raportohet se rreth 20 persona mbetën të bllokuar brenda autobusit që u aksidentua tragjikisht në Kroaci

  • A.P /
  • 25 korrik 2021 - 10:23
Raportohet se rreth 20 persona mbetën të bllokuar brenda autobusit që u aksidentua tragjikisht në Kroaci

Rreth 20 persona dyshohet të jenë ende brenda autobusit kosovar i cili u aksidentua tragjikisht në Kroaci, e nga ku raportohet të kenë vdekur 10 persona, sipas mediave kroate. Autobusi i kompanisë kosovare po bartte udhëtarë nga Frankfurti për në Prishtinë.

Mediumi kroat, Index.hr tha se më shumë se 30 persona janë dërguar në spital. Autobusi që po po lëvizte në linjën Frankfurt-Prishtinë kishte rreth 60 udhëtarë në të.

Përveç policisë, në vendin e ngjarjes kanë dalë edhe pjesëtarët e ekipit të zjarrfikësve, ndëresa autoambulanca transportoi disa herë personat e lënduar për në spital. 

“Unë kam qenë në shumë aksidente, por ky është me të vërtetë i rëndë dhe mendoj se është një nga aksidentet më të rënda që kam parë. Autobusi ishte plot, por nuk mund të them nëse kishte fëmijë mes të vdekurve ose të plagosurve. Sipas udhëtarëve, kishte mbi 60 persona në autobus”, tha shefi i Policisë Rrugore të Stacionit Policor Slavonski Brod, Franjo Galiq.

(Kosova Sot Online)