Lexoni edhe:
Po e kërkojnë qytetarët, Prokuroria Speciale mos të amniston Shpend Ahmetin e inkriminuar!
Bashkëatdhetari dhuron një autoambulancë për komunën e Skenderajt
Kryetari i Skenderajt, Bekim Jashari, bashkë me drejtorin e Shëndetësisë dhe Mirëqenies Sociale, Ibush Hetemi dhe drejtorin e QKMF-së, Osman Veliu, bënë pranimin e autoambulancës së 7-të të siguruar nga bashkatdhetari në Suedi, Blerim Selimi nga fshati Kuqicë, i cili përveç komunës së Skenderajt ka dhuruar edhe tri autoambulanca për komunat e tjera në Kosovë.
Kryetari Bekim Jashari me këtë rast ka falënderuar Selimin dhe spitalin e qytetit Jönköping në Suedi.
Ai ka thënë se si komunë krahas pranimit të këtyre autoambulancave nga donatorët, janë në procedurë të blerjes edhe të një autoambulance tjetër si dhe furgonit për nevojat e transportit të pacientëve që janë në hemodializë.
Shkrimi i tij i plotë:
Edhe një tjetër autoambulancë falë bashkatdhetarit tonë Blerim Selimi
Bashkë me drejtorin e Shëndetësisë̈ dhe Mirëqenies Sociale, Ibush Hetemi dhe drejtorin e QKMF-së, Osman Veliu, bëmë pranimin e autoambulancës së 7-të të siguruar nga bashkatdhetari ynë në Suedi, Blerim Selimi nga fshati Kuqicë, i cili përveç komunës sonë ka dhuruar edhe 3 autoambulanca për komuna tjera në Kosovë.
Për këtë donacion jetik për qytetarët tonë, falënderoj bashkatdhetarin tonë Blerim Selimi dhe spitalin e qytetit Jönköping në Suedi.
Si komunë krahas pranimit të këtyre autoambulancave nga donatorët, jemi në procedurë të blerjes edhe të një autoambulance tjetër si dhe furgonit për nevojat e transportit të pacientëve që janë në hemodializë.
Me❤ nga diaspora për qytetarët tonë!
(Kosova Sot Online)
