‘Tiketat ngjitëse’ ‘Ngritet’ padi ndaj Pal Lekajt, Lumir Abdixhikut dhe Arban Abrashit

  • G.G /
  • 27 korrik 2021 - 16:36
‘Tiketat ngjitëse’ ‘Ngritet’ padi ndaj Pal Lekajt, Lumir Abdixhikut dhe Arban Abrashit

Ministria e Infrastrukturës e drejtuar nga Liburn Aliu, ditë më parë pezulloi marrëveshjen me kompaninë “Auto Control Kosova” për tiketa ngjitëse të automjeteve.

Kjo marrëveshje i obligonte  qytetarët kosovarë të paguanin nga 5 euro për regjistrimin e automjeteve.

Për këtë marrëveshje kishte raportuar se pati shkelje.

Por ani se kjo marrëveshje u pezullua, është dikush që po paralajmëron padi ndaj Ministrisë së Intrastukturës.

Ish-ministrat e MI-së Pal Lekaj, Lumir Abdixhiku dhe Arban Abrashi, duket se do përballen me gjykatat.

Kjo pasi koncersiumi gjermano-kosovar, (emër i njohur për redaksinë)  po paralajmëron padi pikërisht për çështjen e tiketave ngjitëse.

Ky koncersium, pretendon që nga viti 2012 deri në 2018, ka aplikuar disa herë për këtë kontratë, por e njejta iu ishte refuzuar pa asnjë arsyetim.

Që nga viti 2012 deri 2018 kemi qenë në konkurencë më të mirët edhe më të lirët, pro nuk na e kanë dhan këtë projekt. Tash janë avokatët gjerman dhe kosovarë tu e shqyrtu mundësinë dhe do të ngrisim padi, thotë personi zyrtar nga koncersiomi në fjalë.

Ai tregon se janë ish-ministrat Lekaj, Abdixhiku e Abrashi ata që sipas tij do përballen me gjykatat.

“Kurrë përgjigjë nuk kam marr nga ta” thotë ai, për arysjen se pse nuk e kanë fituar këtë kontratë.

(Kosova Sot Online)