Çështja e bashkimit kombëtar, Konjufca i ndërhyn deputetit të PDK-së: Kujdes me shprehjet

  • E.K /
  • 03 gusht 2021 - 11:47
 Çështja e bashkimit kombëtar, Konjufca i ndërhyn deputetit të PDK-së: Kujdes me shprehjet

Kryeparlamentari Glauk Konjufca ia ka tërhequr vërejtjen deputetit të PDK-së, Fadil Nura, i cili e quajti marrëzi deklaratën e kryeministrit Albin Kurti se bashkimin kombëtar aktualisht e ndalon Kushtetuta.

Nura që në fillim të fjalës së tij në Kuvend lidhur me 100 ditëshin e Qeverisë tha se është marrëzi që Kurti e pranoi pas 15 vitesh se bashkimi kombëtar nuk është i mundur tani.

“Është e papranueshme deri në marrëzi të kakarisesh për 15 vite me radhë mbi bashkimin kombëtar dhe për një ditë të bukur nën petkun e pushtetit, pikërisht në shënim të Besëlidhjes së Lezhës, paturpësisht ta pranosh se e ke gënjyer popullin për 15 vite radhazi”, tha Nura.

Këtu ndërhyri Konjufca, i cili i kërkoi Nurës të ketë kujdes me shprehjet.

“Kujdes me shprehjet e papërshtatshme, z. deputet”, tha Konjufca.

Nura, ndërkohë, vazhdoi.

“…ky është mashtrimi i parë i Qeverisë Kurti 2”, tha deputeti i PDK-së.

(Kosova Sot Online)