Lexoni edhe:
Publikimi i fundit i përgjimeve të zyrtarëve të lartë të shtetit alarm për fillimin urgjent të spastrimit me procesin VETTING
Në web faqen e MSH’së tani e tutje mund të informoheni në kohë reale mbi procesin e vaksinimit
Ministria e Shëndetësisë ka bërë të ditur se është publikuar Paneli me të dhënat mbi vaksinimin kundër COVID-19.
Sipas MSH’së, tani në faqen e saj në kohë reale mund të ndjeket trendi i vaksinimit.
Me këtë rast, nga kjo ministri kanë kërkuar nga qytetarët që nuk janë vaksinuar që ta bëjnë atë sa më parë.
Njoftimi i plotë:
Është publikuar Paneli me të dhënat mbi vaksinimin kundër COVID-19 në web faqen e Ministrisë së Shëndetësisë
Ky është një opsion shtesë për informimin e publikut në kohë reale për trendin e vaksinimit në vend dhe të dhënat e detajuara mbi vaksinimin.
Atë mund ta gjeni lehtë në ëeb faqen e Ministrisë, te kolona e menyve klikoni mbi „COVID-19“, dhe më pas nënmenynë “Statistikat COVID-19” për të krijuar qasjen në Covid Dashboard.
Aktualisht, vaksinimi po vazhdon me intensitet të shtuar që vërtet na inkurajon. Numri i qytetarëve që po vaksinohen në baza ditore konfirmon organizimin dhe punën e mirë të profesionistëve shëndetësor nëpër pikat e vaksinimit.
Me rritjen e përhapjes së variantit Delta të SARS-CoV-2, Ministria e Shëndetësisë inkurajon dhe iu bën thirrje të gjithë qytetarëve mbi 18 vjeç, e që ende nuk janë vaksinuar të caktojnë sa më parë terminin për vaksinim dhe ata që kanë marrë dozën e parë, të paraqiten sipas orarit të caktuar në qendrën e vaksinimit për t’u vaksinuar plotësisht.
Vaksinat janë të sigurta, efikase dhe parandalojnë simptomat e rënda të sëmundjes dhe vdekjen nga COVID-19.
(Kosova Sot Online)
