Laraska i shkakton vdekjen foshnjes 5-muajshe

Një vajzë 5-muajshe ndërroi jetë tragjikisht pasi u sulmua nga një laraskë agresive.

Prindërit e vajzës kishin dalë për një shëtitje në një park në Brisbane në Australi, kur një laraskë iu drejtua për t’i sulmuar.

Lexoni edhe:

Të ndalohet urgjentisht plani kriminal i Shpend Ahmetit për kontrabandim të Planit Zhvillimor dhe Hartës Zonale të Prishtinës!

Në përpjekje për të mbrojtur foshnjen që mbante në krahë, nëna u pengua dhe u rrëzua, çka i shkaktoi fëmijës plagë të rënda në kokë.

Pavarësisht se ajo u dërgua menjëherë në spital, nuk ia doli mbanë dhe ndërroi jetë, duke i shkaktuar një hidhërim të papërshkrueshëm prindërve të saj.

Sipas dëshmitarëve okularë të ngjarjes, “aksidenti ishte përtej çdo gjëje që kishin parë”. Një nënë tjetër që gjendej në park, tha se e njëjta laraskë kishte sulmuar edhe fëmijët e saj duke i lënë plagë të  përgjakura në faqe, edhe pse mbanin helmeta.

Laraska u kap nga autoritetet dhe u transferua nga parku. Gjatë këtij sezoni nga Gushti-Nëntor, laraskat meshkuj zhvillojnë këtë sjellje agresive për shkak të sezonit të çiftëzimit dhe ruajtjes së vezëve pasi kërkojnë të mbrojnë të vegjlit derisa të lindin, duke u bërë shkak i sulmeve të shumta edhe ndaj njerëzve.

(Kosova Sot Online)