Lexoni edhe:
Në emër të reformës dhe shtetit të së drejtës, parapërgatitje për ta fituar edhe mandatin e tretë të radhës
Rasti i kapjes së 31 kg drogë në Komoran, kërkohet paraburgim për dy të dyshuarit
Prokuroria Themelore në Prishtinë, ka paraqitur kërkesë për caktimin e masës së paraburgimit ndaj A.M., (shtetas i Shqipërisë) dhe B.S., (shtetas i Kosovës), pasi iu gjetën 31 kg marihuanë në Komoran të Drenasit.
Prokuroria informon se prokurori kujdestar i Departamentit të Krimeve të Rënda dje është njoftuar nga Policia e Kosovës-Njësiti Anti-Drogë, se janë në përcjellje të disa personave të cilët dyshohen se janë duke transportuar substanca narkotike, ashtu që, në momentin e njoftimit të njëjtit kanë qenë në pritje në fshatin Komoran, komuna Gllogovc, për ndërmarrjen e veprimeve konkrete procedurale.
“Rreth orës 17:48, është njoftuar prokurori kujdestar nga Policia e Kosovës se kanë ndaluar një veturë, në të cilën janë zënë të dyshuarit dhe me rastin e kontrollimit të kësaj veture kanë gjetur dhe sekuestruar rreth 31 kg substancë narkotike (e llojit marihuanë).
Policia e Prishtinës në bashkëpunim me Policinë e Pejës, duke vepruar sipas autorizimeve të Prokurorit të Shtetit, si dhe në koordinim me Prokurorinë e Pejës dhe Gjykatën Themelore në Pejë, është urdhëruar masa e kontrollit të shtëpive dhe objekteve përcjellëse të të dyshuarit B.S., me ç’ rast është sekuestruar një veturë e tipit “Mercedes”, e cila dyshohet se është përdorur për kryerjen e veprës penale, po ashtu, është sekuestruar një veturë e tipit “Toyota Land Cruiser” (me targa të Shqipërisë), një veturë e tipit “Passat”, në të cilën është gjetur substancë narkotike, dy telefona, 1050 dhe 1350 lekë”, thuhet tutje në njoftimin e prokurorisë.
Me aktvendim të Prokurorit të Shtetit janë ndaluar të dyshuarit me inicialet A.M., (shtetas i Shqipërisë) dhe B.S., (shtetas i Kosovës), në kohëzgjatje prej 48 orësh, në drejtim të veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, nga neni 269 të KPRK-së, si dhe ndaj të njëjtëve është paraqitur kërkesë për caktimin e masës së paraburgimit, në Gjykatën Themelore në Prishtinë.
(Kosova Sot Online)
