Lexoni edhe:
Talibanët keqtrajtojnë qytetarët dhe mbajnë rendin me kallashnikovë, pamje nga Kabuli
Të rinjtë vazhdojnë të jenë më së shumti të infektuar në Kosovë prej coronavirusit
Kosova dje ka shënuar rekord të rasteve të infektimit me COVID-19, ku brenda 24 orëve janë konfirmuar 2 mijë e 110 raste.
Nga rastet e reja, 1 mijë e 187 ishin femra, kurse 923 meshkuj.
Grupmosha më e prekur nga coronavirusi po vazhdon të jetë prej 20 deri 29 vjeç, gjithsej raste të konfirmuara 473.
Pastaj, grupmosha 30 deri 39 vjeç, gjithsej raste të konfirmuara në 24 orët e fundit, 408.
Grupmosha 40 deri 49 vjeç, raste të konfirmuara 409.
Pastaj, nga grupmosha 50 deri 59 vjeç, raste të konfirmuara 333.
Si pasojë e rritjes së rasteve me coronavirus, Qeveria e Kosovës, ditën e mërkurë ka marrë vendim për ashpërsimin e masave kundër coronavirusit.
Me vendimin e ri të Qeverisë, nga data 20 gusht janë ndaluar dasmat dhe ahengjet tjera familjare, kurse sektori i gastronomisë lejohet të punojë deri në ora 22:30.
Ekspertët shëndetësor në vazhdimësi janë duke bërë thirrje që qytetarët të vaksinohen. Ndërkaq, prej fillimit të vaksinimit në të gjitha qytetet e Kosovës janë dhënë 622.068 doza të vaksinës.
(Kosova Sot Online)
