Kjo është 18-vjeçarja që u dërgua pa shenja jete në Spitalin e Ferizajt

Media mbrëmë raportoi për një vajzë 18-vjeçare që u dërgua pa shenja jete në Spitalin e Ferizajt, nga dy persona të dyshuar.

Lidhur me këtë rast policia ka arrestuar të dyshuarin A.S. Ndërkaq i dyshuari tjetër, Dardan Krivaqa, për të cilin media mbrëmë raportoi ekskluzivisht, është ende në arrati.

Lexoni edhe:

Audio-incizimet e përgjimeve të fundit, goditje e tmerrshme për sistemin e inkriminuar prokurorial dhe gjyqësor të shtetit të Kosovës

Policia ka njoftuar se ngjarja dyshohet se ndodhi në një objekt banesorë të një rruge në Ferizaj. Kurse i arrestuari me vendim të prokurorit është dërguar në mbajtje për 48 orë.

Viktima 18 vjeçare është Marigona Osmani, fotografia e së cilës është publikuar në Facebook nga një faqe lokale e Ferizaj.

Kujtojmë se në trupin e 18-vjeçares që u dërgua pa shenja jete në qendrën emergjente në Ferizaj ka shenja të dhunës.

Kjo është bërë e ditur mbrëmë nga Halit Gërbeshi, ushtruesi i detyrës të Drejtorit të Spitalit të Ferizajt.

“Ka ardhë pa shenja jete, me shenja dhune. Por, nuk di më shumë nuk e kam par kufomën sepse nuk jam në spital”, ka thënë ai për Sinjalin.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

(Kosova Sot Online)