Lexoni edhe:
Mësimi u shtye, kosovarët marrin rrugën drejt bregdetit shqiptar
Atmosferë festash pothuajse pa kufizime, mediat e huaja i kushtojnë vëmendje shpërthimit të virusit në Kosovë
Mediat e huaja i kanë kushtuar vëmendje situatës së rënduar në Kosovë, pas mijëra infektimeve e dhjetëra vdekjeve që ndodhën ditëve të fundit. Dy të përditshme, “SonntagsZeitung” zvicërane dhe “Heute” austriake, raportojnë se si qeveria hoqi pothuajse të gjitha masat kufizuese duke i ofruar “strehë” virusit Delta i cili përhapet me shpejtësi të madhe.
“SonntagsZeitung” në një artikull të gjatë shkruan se si shpërtheu vala e radhës e Covid-19 në Kosovë gjatë verës dhe se Zvicra nuk ishte e përgatitur për mërgimtarët që do të ktheheshin atje, pas një pushimi pa asnjë kufizim në Kosovë. Teksa “Heute”, raporton se në Kosovë ishte një atmosferë festash, dukë vënë në theks faktin se diskotekat dhe restorantet ishin të mbushura, si dhe dasmat e ahengjet po zhvilloheshin kudo.
“SonntagsZeitung” shkruan se në Prishtinë dhe qytete të tjera kishte atmosferë si në Mallorca. Diskoteka, klube dhe restorante ishin plot deri në orët e para të mëngjesit. Nuk kishte masa paraprake, vështirë se dikush mbante ndonjë maskë.
(Kosova Sot Online)
