Lexoni edhe:
Zbulohet afera me e re kriminale e Shpend Ahmetit me kompanitë ndërtimore për përfitim disa dhjetra-milionësh në fund të mandatit! Ku është PSRK dhe Qeveria qendrore?
Një nga furnizuesit më të mëdhenj të vaksinave të grupit në Britaninë e Madhe ka thënë se do të ketë vonesë në shpërndarjen e tyre për shkak të problemeve që lidhen me mungesën e vozitësve të kamionëve.
“Seqirus”, një nga kompanitë më të mëdha botërore për prodhimin e vaksinave kundër gripit, tha se i ka informuar klientët e vet rreth vonesave që mund të zgjasin deri në dy javë. “Jemi duke punuar fort për ta zgjidhur vonesën”, tha kompania.
Autoritetet publike shëndetësore në Angli thanë se pacientët e prekur nga vonesa e vaksinave do të kontaktohen nga mjekët familjarë, shkruan BBC.
Mjekët nuk e pritën mirë këtë lajm. “Ky është lajmi që ne vërtet nuk duam ta dëgjojmë”, tha Dr. Gary Howsam, nënkryetar i një shoqate të mjekëve familjarë.
“Me më shumë se 36 milionë njerëz që i plotësojnë kushtet për vaksinën kundër gripit këtë vit, mjekët kanë nevojë që zinxhiri furnizues të funksionojë si ora”, shtoi ai.
Mjekët tashmë po përballen edhe me shishe për testimin e gjakut. Ata theksuan se është thelbësore që grupet e rrezikuara të vaksinohen sa më herët që është e mundshme para sezonit të gripit.
(Kosova Sot Online)