Lexoni edhe:
Qytetarët janë lodhur nga sundimtarët që Kosovën e shndërruan në pronë private!
Ky kryeminister goditet me zhavorr gjatë fushatës
Kryeministri i Kanadasë, Justin Trudeau, është goditur me gurë të hedhur nga disa protestues gjatë një ndalese që bëri në fushatë.
Ai po kthehej në autobusin e fushatës pas vizitës që i bëri një birrarie, kur u godit nga gurë të vegjël. Trudeau nuk pësoi lëndime, shkruan BBC.
Trudeau muajin e kaluar i shpalli zgjedhjet e parakohshme me shpresë për ta fituar shumicën me Partinë Liberale. Megjithatë, fushata e tij është përcjellë me protesta kundër detyrimit për vaksinim kundër koronavirusit dhe kundër masave tjera kufizuese.
Vetëm para disa ditëve, Trudeau u detyrua që të anulonte një aktivitet fushate, pasi një grumbull i protestuesve të zemëruar reaguan me vrull kundër organizimit.
Duke folur para gazetarëve rreth këtij incidenti gjatë fluturimit me aeroplan, Trudeau tah se mund të jetë goditur në krah dhe e krahasoi incidentin me një rast të vitit 2016, kur një grua i kishte hedhur fara të kungullit.
Kryetari i Partisë Konservatore në opozitë, Erin O’Toole, e quajti incidentin të neveritshëm. “Dhuna politike kurrë nuk justifikohet dhe mediet tona duhet të jenë të lira nga frikësimi dhe dhuna”, shkroi ai në rrjetet sociale.
.@JustinTrudeau last event of the day is at a small brewery in London. He puts a label on a beer but it’s not quite straight so he drinks it himself. pic.twitter.com/6BXGChQJij
— Laura Stone (@l_stone) September 6, 2021
(Kosova Sot Online)
