Lexoni edhe:
Del në sipërfaqe abuzimi i koordinuar i gjyqësorit me ligjin
“Sot është ditë pikëllimi për komunën tonë”- AAK pushon aktivitetin në Deçan në nderim të Blerand Kadrijajt
Kryetari i Komunës së Deçanit, Bashkim Ramosaj, ka bërë të ditur se Aleanca për Ardhmërinë e Kosovës në këtë komunë, do ta pushojë gjithë aktivitetin e saj për dy ditët e ardhshme.
Përmes një postimi në rrjetin social Facebook, Ramosaj ka thënë se kjo do të bëhet në shenjë nderimi për bashkëvendasin e tyre, njëherit ish-kandidat për kryetar të Deçanit, Blerand Kadrijaj, i cili mbeti i vrarë mbrëmë në Pejë.
“Në shenjë nderimi per bashkëvendasin tonë, ish-kandidatin për Kryetar të Deçanit, z.Blerand Kadrijaj, Aleanca për Ardhmerinë e Kosoves – AAK, në Deçan, e pushon gjithë aktivitetin e saj për dy ditët e ardhshme” shkruan Ramosaj në Facebook.
Njoftimi i plotë:
Në shenjë nderimi per bashkëvendasin tonë, ish-kandidatin për Kryetar të Deçanit, z.Blerand Kadrijaj, Aleanca për Ardhmerinë e Kosoves – AAK, në Deçan, e pushon gjithë aktivitetin e saj për dy ditët e ardhshme.
Kjo në shenjë nderimi për Blerandin, familjen, miqtë, kolegët dhe gjithë qytetarët e komunës sonë!
Sot nuk është dita të flasim për vota. Sot është ditë pikëllimi për Deçanin!
Sot lutem për shpirtin e Blerandit dhe shprehim ngushëllimet më të sinqerta për familjen e tij, Kadrijaj nga Rastavica, gjithë bashkëvendasit, miqtë, kolegët dhe gjithë qytetarët e Deçanit!
Lusim Zotin t’iu jap durimin familjeve të përballojnë këtë dhimbje të madhe!
Sinqerisht,
Bashkim Ramosaj
(Kosova Sot Online)
