Burri nga Deçani e bën gruan për spital, policia i sekuestron armë në shtëpi

  • G.G /
  • 12 shtator 2021 - 10:47
Burri nga Deçani e bën gruan për spital, policia i sekuestron armë në shtëpi

 Policia njofton për një rast të dhunës në familje në Deçan. Një burrë dyshohet se ka ushtruar dhunë fizike e psikike ndaj gruas së tij, më pas e njëjta ka pranuar edhe trajtim mjekësor.

Policia njofton se në shtëpinë e të dyshuarit janë gjetur dhe sekuestrruar, një pushkë gjuetie, dy karikatorë dhe 12 fishekë.

Njoftimi i plotë i policisë:

DHUNË NË FAMILJE /Deçan 11.09.2021-13:08. Është arrestuar i dyshuari mashkull kosovar pasi që i njëjti dyshohet se ka ushtruar dhunë psikike ndaj bashkëshortes se tij viktimës femër kosovare. Viktima ka pranuar tretmanin e nevojshëm mjekësor. Në shtëpinë e të dyshuarit janë gjetur dhe sekuestruar: një pushkë gjuetie, dy karikatorë dhe dymbëdhjetë fishekë. Në lidhje me rastin është konsultuar prokurori i shtetit me vendim të së cilit i dyshuari pas intervistimit është dërguar në mbajtje.

(Kosova Sot Online)