Lexoni edhe:
Shtatë shtatzëna të infektuara me coronavirus të shtrira në Klinikën e Gjinekologjisë
Kaq fletëvotime do të shtypen për zgjedhjet e 17 tetorit
Komisioni Qendror i Zgjedhjeve në mbledhjen e sotme ka marrë vendim për numrin e fletëvotimeve që do të shtypen për zgjedhjet komunale
KQZ ka njoftuar se ky vendim mbështetet në listën përfundimtare të votuesve, sipas të cilës për zgjedhjet lokale të 17 tetorit, numri i qytetarëve me të drejtë vote brenda vendit është: 1 milion e 885 mijë e 448 votues.
KQZ ka bërë të ditur se për zgjedhjet për Kryetarë të Komunave do të shtypen 1 milion e 698 mijë e 600 fletëvotime, ndërsa për zgjedhjet për Kuvende Komunale do të shtypen po ashtu 1 milion e 698 mijë e 600 fletëvotime. Pra, numri i përgjithshëm i fletëvotimeve që do të shtypen për dy llojet e zgjedhjeve të 17 tetorit është: 3 milion e 397 mijë e 200 fletëvotime.
Sipas vendimit të KQZ-së, do të shtypen 186 mijë e 848 fletëvotime më pak se votues apo në përqindje 9,91 % dhe kjo është një praktikë e ndjekur edhe në proceset e kaluara zgjedhore.
Në zgjedhjet e fundit, ato parlamentare që u mbajtën në muajin shkurt, KQZ-ja kishte shtypur rreth 178 mijë fletëvotime më pak se numri i votuesve.
(Kosova Sot Online)
