Lexoni edhe:
Republika duhet të mbrohet me të gjitha mjetet, nuk ka kthim prapa
Në kuadër të vizitës së tij të parë zyrtare pas marrjes së mandatit të tretë në krye të Qeverisë së Shqipërisë, Kryeministri i Shqipërisë, Edi Rama është takuar edhe me kryetarin e Partisë Demokratike të Kosovës, Memli Krasniqi.
Pas takimit, Krasniqi ka deklaruar se ka shprehur vullnetin e tij dhe të përhershëm të PDK-së, për të kultivuar raporte të afërta e miqësore me të gjitha institucionet e Republikës së Shqipërisë. Përveç tjerash, Krasniqi ka shprehur shqetësimin për tendencën nga ana e Serbisë për të përshkallëzuar situatën në Veri, me ç’rast ka kërkuar që Shqipëria të luajë rol ndihmës, si vend anëtar i NATO-s.
Republika duhet të mbrohet me të gjitha mjetet, nuk ka kthim prapaLexoni edhe:
Ky është postimi i plote i Memli Krasniqit:
Sot pata kënaqësinë të mirëpres në selinë e Partisë Demokratike të Kosovës, kryeministrin e Shqipërisë, Edi Rama, të cilit i urova mandatin e tretë me radhë si udhëheqës i Qeverisë së Shqipërisë. Duke shprehur falënderimin për urimet e z. Rama me rastin e zgjedhjes time në krye të PDK-së, shpreha vullnetin tim dhe të përhershëm të PDK-së, për të kultivuar raporte të afërta e miqësore me të gjitha institucionet e Republikës së Shqipërisë.PDK e vlerëson jashtëzakonisht të rëndësishëm thellimin e bashkëpunimit mes dy vendeve tona, për çfarë u pajtuam për nevojën e forcimit të mëtejmë të lidhjes dhe koordinimit aq të nevojshëm në mes nesh. Për këtë qëllim, konsideroj se mbledhja e përbashkët e qeverisë së Kosovës dhe asaj të Shqipërisë, si format i iniciuar nga periudha e qeverisjes së PDK-së, duhet të vazhdojë e të zgjerojë temat e rëndësisë së përbashkët.Gjatë takimit biseduam për situatën e brendshme politike, menaxhimin e pandemisë, si dhe për zhvillimet e fundit në veri të vendit.Vendimin e Qeverisë së Kosovës për reciprocitetin me targat, e konsiderojmë të drejtë dhe legjitim. Por, shpreha shqetësim për tendencën nga ana e Serbisë për të përshkallëzuar situatën, me ç’rast kërkova që Shqipëria të luajë rol ndihmës, si vend anëtar i NATO-s.Kryeministrin Rama e falënderova për ftesën që më bëri për vizitë zyrtare në Tiranë, të cilët do ta realizoj që në momentin e parë të mundshëm.
(Kosova Sot Online)