Po vazhdojnë patrullimet e KFOR-it në veri

  • E.K /
  • 28 September 2021 - 12:14
Po vazhdojnë patrullimet e KFOR-it në veri

Në ditën e nëntë pas vendosjes së reciprocitetit për targa ndaj Serbisë, situata në veriun e Kosovës vazhdon të jetë e qetë.

Atje tashmë janë parë pjesëtarë të KFOR-it, të cilët kanë qëndruar në afërsi të pikës kufitare në Jarinjë.

Pjesëtarët e KFOR-it kanë filluar patrullimet që nga dita e djeshme në pikat kufitare në Bërnjak dhe Jarinjë.

E gjithë kjo ka ndodhur pas shfaqjes së avionëve e helikopterëve ushtarak serb në afërsi të pikave kufitare në veri të Kosovës.

KFOR-i ka konfirmuar për media ditën e djeshme se kanë shtuar patrullimet në këtë pjesë të vendit dhe kanë bërë të ditur se kanë biseduar me palët për qetësimin e situatës.

Në veri të vendit janë parë edhe automjete të EULEX-it.

(Kosova Sot Online)