Selimi: AAK do të jetë faktor determinues i politikave për kryeqytetin

  • E.K /
  • 18 tetor 2021 - 11:54
Selimi: AAK do të jetë faktor determinues i politikave për kryeqytetin

Shefi i shtabit zgjedhor të AAK-së në Prishtinë, Selim Selimi ka thënë se AAK’ja tani e tutje do të jetë faktor determinues i politikave për Prishtinën.

Përmes një shkrimi në rrjetin social Facebook, ai ka thënë se Aleanca ka arritur rezultatin më të mirë në zgjedhje që nga zgjedhjet e vitit 2009.

“Si pjesë e ekipit të Dautit, me një program të mirë dhe një listë kandidatësh serioz kemi arritur që të rikthejmë Aleancën në Prishtinë. Sot e tutje do të jemi faktor determinues i politikave për Kryeqytetin”, ka shkruar ai.

Shkrimi i tij i plotë:

Qytetarë të nderuar,

Pas një rrugëtimi disa mujor për Prishtinën jam i lumtur që sot Aleanca ka arritur rezultatin më të mirë në Kryeqytet që nga zgjedhjet e 2009.

Si pjesë e ekipit të Dautit, me një program të mirë dhe një listë kandidatësh serioz kemi arritur që të rikthejmë Aleancën në Prishtinë. Sot e tutje do të jemi faktor determinues i politikave për Kryeqytetin.

Rezultati i partisë si më i miri ndonjëherë tregon se struktura e Aleancës arriti të këndellet duke ruajtur bazën dhe duke sjellur vlerë të re.

Puna e Aleancës fillon tash!

(Kosova Sot Online)