​Qeveria miraton projekt-rregulloren që tatimi në pronë të mos jetë kusht për regjistrimin e veturave

  • E.K /
  • 27 October 2021 - 11:27
​Qeveria miraton projekt-rregulloren që tatimi në pronë të mos jetë kusht për regjistrimin e veturave

Qeveria e Kosovës në mbledhjen e sotme ka miratuar projekt-rregulloren që i mundëson qytetarëve regjistrimin e veturave pa e paguar tatimin në pronë.

Me këtë rast, ministri i Financave, Punës dhe Transfereve, Hekuran Murati ka thënë se nëse shfuqizohet udhëzimit administrativ, do të mundësohet regjistrimi më i lehtë i veturave.

Sipas tij, kësisoj do të regjistrohen edhe më shumë vetura.

Përndryshe, Qeveria sot miratoi koncept-dokumentin për vlerësimin strategjik-mjedisor.

Ndërkohë, u miratua edhe vendimi për t’i propozuar Kuvendit, kandidatët për bordin e Komisionit të Pavarur për Miniera dhe Minerale.

(Kosova Sot Online)