Lexoni edhe:
Shembja e krimit të organizuar vjen me tërmetin që do ta godet kupolën e AKI-së!
Gjukanoviqi u bën thirrje zyrtarëve evropianë: Mbrojeni rajonin nga ndikimi malinj i palëve të treta
Ballkani Perëndimor ka nevojë për mbrojtje më vendimtare nga ndikimi malinj i palëve të treta, tha presidenti i Malit të Zi, Milo Gjukanoviq në një takim me anëtarët e delegacionit të Këshillit Evropian për Marrëdhëniet me Jashtë të cilët janë në një vizitë studimore në Mal të Zi dhe në rajon.
Në një komunikatë të Kabinetit të Presidentit malazez thuhet se zyrtarët evropianët kanë shprehur interesim për pikëpamjen e Gjukanoviqit për situatën në Mal të Zi dhe rajon, mundësitë për zgjidhjen e krizave të brendshme politike, por edhe marrëdhëniet dhe pasojat gjeopolitike.
Gjukanoviq u konfirmoi përfaqësuesve të Këshillit se tema e rajonit është jashtëzakonisht e rëndësishme për stabilitetin e Evropës, por edhe për fuqinë dhe prestigjin e mëtejshëm të NATO-s.
Gjithashtu thuhet se Gjukanoviq, me vlerësimin e një shqetësimi të caktuar në nivel më të gjerë global, tha se situata aktuale në Ballkanin Perëndimor është pasojë e dy rrethanave, procesit të ndërprerë të zgjerimit dhe shqetësimit në marrëdhëniet Lindje-Perëndim.
Gjukanoviq theksoi nevojën për një nxitje më vendimtare dhe të qartë për vendet e Ballkanit Perëndimor për t’u anëtarësuar në BE dhe “mbrojtje më të vendosur dhe më të menduar të rajonit nga ndikimi malinj i palëve të treta, i cili nuk është vetëm në Ballkanin Perëndimor por edhe në Evropë”.
(Kosova Sot Online)
