Lexoni edhe:
Hapja e dosjeve të UDB-së dhe të KOS-it serb do të largonte figurat e kriminalizuara të politikanëve mafioz e të instaluar deri edhe në majat e institucioneve të shtetit!
Fëmijët qëndruan për një vit në një dhomë me vëllain e tyre të vrarë, dalin para gjykatës nëna dhe i dashuri i saj
Nëna 35-vjeçare nga Teksasi jetoi për muaj të tërë me eshtrat e djalit të saj 8-vjeçar, i cili dyshohet se u vra nga i dashuri i saj, përpara se të braktiste dhe ta mbyllte me tre fëmijët e tjerë në shtëpi.
Për këtë mediet e huaja kanë publikuar detaje të reja për krimin e tmerrshëm në Houston të Teksasit, një ditë pasi Gloria Williams doli në gjykatë, e akuzuar për plagosjen e një fëmije nga neglizhenca, falsifikimin e provave dhe lënien e tre fëmijëve të saj në shtëpi me trupin e pajetë të vëllait 8-vjeçar.
Në gjykatë ishte edhe i dashuri i saj, 31-vjeçari Brian Calter, i cili akuzohet se ka rrahur për vdekje 8-vjeçarin Kendrick Lee në Ditën e Falenderimeve 2020.
Detaje tronditëse për “shtëpinë e terrorit” –
Sipas detajeve të reja të paraqitura në gjykatë të hënën, Williams dhe Calter jetuan me eshtrat e Kendrick deri në mars, kur çifti u shpërngul, duke e lënë trupin në shtëpi me tre fëmijët e saj të tjerë, 15, 9 dhe 7 vjeç.
Fëmijët, të cilët duket se kanë baballarë të ndryshëm, fillimisht thanë se ishin mbyllur në dhomë me kufomën e vëllait për gati një vit, edhe kur çifti jetonte atje.
Babai justifikon në gjykatë dhunën ndaj vajzës 6 vjeçe: E rraha se bezdiste të ëmën në telefon. E çova vetë në spital, raporton oranews.
I dashuri i nënës dërgonte ushqim në apartament një herë në muaj dhe vazhdonte të paguante qiranë në mënyrë që trupi të mos gjendej, thanë autoritetet.
Partneri i nënës, i cili bëri paraqitjen e tij të parë në gjykatë javën e kaluar, do të përballet me 99 vjet burg nëse shpallet fajtor për vrasjen e fëmijës.
Në daljen e tij të parë në gjykatë, prokuroria lexoi deklaratat e tre vëllezërve të cilët thanë se e panë atë duke rrahur për vdekje vëllanë 8-vjeçar.
Fëmijët thanë se e panë të dashurin e nënës duke goditur vazhdimisht vëllanë e tyre në shpinë dhe në fytyrë, dhe më pas kur ai vdiq e mbuluan me një batanije.
Ata thanë se ai vazhdoi të gjuante 8-vjeçarin edhe kur ai ishte në dysheme pa lëvizur.
(Kosova Sot Online)
