I burgosuri i rrëmben armën dhe përleshet me gardistin

  • E.K /
  • 02 November 2021 - 12:30
I burgosuri i rrëmben armën dhe përleshet me gardistin

Policia e shtetit të Ilinois në SHBA ka publikuar një video ku një i burgosur arrin t’i rrëmbejë gardistit pistoletën dhe përleshet me të.

E gjitha nis në momentin kur polici nxjerr nga makina të burgosurin dhe do ta ulë në karrigen me rrota.

I burgosuri shfrytëzon nga pakujdesia e policit dhe i merr armën nga brezi policit. Në këtë moment ka një përleshje mes të dyve.

I burgosuri tenton të arratiset por nuk mundet për shkak se nuk ecën.

Megjithatë ashtu ai i drejton armën dhe gardisti dorëzohet.

Ndërhyrja e një gardisti të dytë shpëton kolegun. Ky i fundit qëllon drejt të burgosurit i cili menjëherë hedh armën tutje dhe dorëzohet.

(Kosova Sot Online)