Lexoni edhe:
VETTING-u është mjeti i vetëm për shërimin e sistemit juridik, të bëhet së bashku me partnerët strategjik ndërkombëtar
Deputetja e PDK-së ka dy fjalë për mosftesën nga Biden
Deputetja e PDK-së, Blerta Deliu-Kodra ka reaguar pas mos-ftesës nga SHBA-të për Samitin e Demokracive që mbahet në dhjetor në Amerikë.
Deliu ka thënë se mosftesa do ta dëmtojë edhe imazhdin edhe argumentin lobues në procesin e njohjeve të reja.
Sipas saj, ky zhvillim është lëndim i garancës amerikane se Kosova po zhvillohet në një shtet demokratik.
“Kjo konsekuencë e prodhuar nga Qeveria, për më tepër, do të ushqejë aspirimet e politikave dhe vendeve anti-perëndimore të shtrijnë ndikimin e tyre në Kosovë”, ka shkruar Deliu-Kodra.
Postimi i plotë i Deliut në Facebook:
Pëveç faktit që demonstron hapur raportin e cenuar të kësaj Qeverie me Shtetet e Bashkuara, mosftesa në Samitin e Demokracive, të organizuar nga Presidenti Biden, do të dëmtojë edhe imazhin dhe argumentin lobues për njohje. Garanca amerikane në botë, se Kosova po zhvillohet në një shtet demokratik, ka qenë argumenti më i fuqishëm i diplomacisë kosovare në kërkimin të njohje të reja. Mos dërgimi i ftesës në Samitin e Demokracive shpreh, në mënyrë implicite, dyshimin amerikan për orientimin politik dhe strategjik të Kosovës. Kjo konsekuencë e prodhuar nga Qeveria, për më tepër, do të ushqejë aspirimet e politikave dhe vendeve anti-perëndimore të shtrijnë ndikimin e tyre në Kosovë.
Kujtojmë se në dy Qeveritë Kurti, nga dy administratat, SHBA në mënyrë të drejtpërdrejtë ka sanksionuar Kosovën. Në Qeverinë “Kurti1” me bllokimin e fondeve të MCC-së dhe tani me mosftesën në Samitin e aleatëve amerikan.
(Kosova Sot Online)
