Lexoni edhe:
Prokuroria e dështuar me duart lart, po dorëzohet para krimit të organizuar dhe parave të pista!
Në mënyrë virtuale ka nisur Samiti për Demokracinë, ku po marrin pjesë liderët e 110 shteteve, përfshirë edhe Kosovën, të përfaqësuar nga presidentja Vjosa Osmani, e të cilin mund ta ndiqni drejtpërdrejt duke klikuar KËTU.
Në fjalën hyrëse, Presidenti i Shteteve të Bashkuara, Joe Biden tha se demokracia po përballet “me sfida të qëndrueshme dhe alarmante” në mbarë botën.
Sipas Bidenit, trendet e demokracisë “gjerësisht janë duke shkuar në drejtimin e gabuar”, prandaj, ai tha se ““demokracia ka nevojë për kampionë”. Sipas presidentit amerikan, ripërtëritja e demokracisë kërkon “përpjekje të vazhdueshme”.
“Demokracia nuk ndodh aksidentalisht. Ne duhet ta ripërtërijmë në çdo gjeneratë dhe sipas meje, kjo është çështje urgjente për të gjithë ne”, tha Biden.
Presidentja e Kosovës, Vjosa Osmani, pritet që në këtë samit të paraqesë zotimet kryesore të Kosovës në fushën e sundimit të ligjit, bashkëpunimit ndërkombëtar në luftimin e autokracive, fuqizimit të rolit të grave në shoqëri dhe krijimin e mekanizmave për të siguruar zbatimin e zotimeve.
(Kosova Sot Online)