Lexoni edhe:
Prokuroria Speciale duhet të hap dosjet e kallëzimeve penale kundër Shpend Ahmetit dhe grupit të tij kriminal!
Vulin në paranojë pas reagimeve që i mori për mohimin e Reçakut: Mund të ma inskenojnë ndonjë aksident…
Ministri i Punëve të Brendshme të Serbisë dhe ish-bashkëpunëtori i gruas së Sllobodan Millosheviqit, ka folur përsëri pas reagimeve të forta që i mori nga ndërkombëtarët rreth deklaratës për mohimin e Masakrës së Reçakut.
Vulin është futur në paranojë, teksa thotë se dikush mund t’ia inskenojë ndonjë aksident automobilistik.
“Ndoshta BE dhe SHBA më në fund do të arrijnë të më largojnë nga qeveria e Serbisë, ndoshta dëshira e tyre është që të mos jem në qeverinë e ardhshme, ndoshta një aksident i bukur automobilistik do t’i japë fund jetës time, por e vërteta për Reçakun nuk bëhet e dukshme dhe e provuar, asgjë nuk mund të bëhet pa thënë të vërtetën për Reçakun dhe arsyen fiktive të agresionit të NATO-së”, ka thënë Vulin.
Ai tutje ka kritikuar SHBA’në dhe Bashkimin Evropian se si heshtin ndaj deklaratave të kryeministrit të Republikës së Kosovës, Albin Kurti, për krijimin e Shqipërisë së Madhe, derisa përmend edhe Gotovinën e Haradinajn.
(Kosova Sot Online)
