Lexoni edhe:
Pas goditjes zyrtare nga Uashingtoni, të emëruarit në listën e zezë i pret Izolimi dhe hetimi serioz nga PSRK!
Interesante: Punëtorin e zë gjumi në bagazhin e aeroplanit, e sheh veten në shtet tjetër
Një ngarkues të bagazhit në aeroportin e Mumbait në Indi e zuri gjumi në hapësirën e aeroplanit për valixhe. Ai u zbulua vetëm pas aterrimit të aeroplanit të kompanisë “Indigo Airlines” në Abu Dabi.
Incidenti ndodhi në aeroplanin e tipit Airbus A320, që ishte nisur të dielën në orën 2 e 30 të mëngjesit sipas kohës lokale, tha Drejtoria e Përgjithshme e Aviacionit Civil.
Pasi i kishte ngarkuar valixhet në aeroplan, punëtori dyshohet se ra në gjumë prapa sektorit të bagazhit, shkruan Independent.
Kompania ajrore mori vesh për praninë e punëtorit në aeroplan vetëm pas nisjes së fluturimit, kur aeroplani aterroi në kryeqytetin e Emirateve të Bashkuara Arabe.
Autoritetet lokale në Abu Dabi i bënë një ekzaminim mjekësor punëtorit dhe, pasi vlerësuan se ai është në gjendje stabile, e kthyen në Mumbai si pasagjer me të njëjtin aeroplan.
Një zëdhënës i kompanisë ajrore tha se kompania është e vetëdijshme për incidentin dhe se i ka informuar autoritetet e përfshira. “Çështja është nën hetim”, tha ai për agjencinë e lajmeve, PTI.
(Kosova Sot Online)
