E porsalindura mendohet se u shpëtua nga këlyshët që e mbajtën ngrohtë

Një foshnjë e porsalindur, e braktisur nga prindërit e saj në Indi, shpëtoi gjatë tërë natës në të ftohtë, pasi një grup i këlyshëve e mbajtën ngrohtë.

Vajza u gjet në një fushë të fshatit Saristal të provincës Chhattisgarh të Indisë, e vendosur pranë këlyshëve, tërësisht e palënduar. Ajo u gjet nga banorët, të cilët e dëgjuan duke qarë, shkruan Daily Mail.

Lexoni edhe:

Qeveria Kurti të vepron me mbyllje totale të kufirit me Serbinë, mjaft alternativa

Mendohet se nëna e këlyshëve fillimisht e kishte gjetur foshnjën dhe e kishte vendosur pranë këlyshëve.

Përfaqësuesi lokale, Munnalal Patel, tha se një grup njerëzish që kishin dalë për punët e përditshme e gjetën të porsalindurën.

Foto: Tahir Ibn Manzoor / Daily Mail

Ata thanë: “Në 11 të paradites, pamë se atje është një vajzë e porsalindur, e cila ishte duke qarë dhe e shtrirë pranë këlyshëve në fshatin tonë. Bëmë panik dhe e informuam departamentin e shëndetësisë para se e porsalindura të dërgohej në spital për kontroll të mëtejmë.”

Një banor, që deshi të mbetej anonim, tha: “Është e mundshme që ngrohtësia nga këlyshët dhe nëna e tyre e kanë mbajtur gjallë të porsalindurën.”

(Kosova Sot Online)