Lexoni edhe:
Në Ballkanin Perëndimor nuk mund të ketë asnjë sukses, kurrfarë iniciative, as “Open Balkan”, pa nismën dhe bekimin e Bashkimit Evropian!
Studimi: Të infektuarit me Omicron kanë katërfish më shumë antitrupa
Një studim i ri i kryer së fundmi në Afrikën e Jugut, tregon se varianti i ri Omicron i koronavirusit mund të rrisë imunitetin e trupit ndaj variantit më vdekjeprurës Delta.
Ndërkohë një e dhënë e tillë akoma nuk është testuar përfundimisht nga shkencëtarët, ndërsa është zbuluar se pacientët që u infektuan me mutacionin Omicron dhe veçanërisht ata që ishin vaksinuar kanë zhvilluar imunitet të shtuar ndaj Deltës.
Analiza u fokusua në 33 raste të pacientëve të vaksinuar dhe të pavaksinuar të infektuar me variantin Omicron në Afrikën e Jugut. Studiuesit zbuluan se 14 ditë pas infektimit, pacientët kishin 14 herë më shumë antitrupa.
Në mënyrë të veçantë, antitrupat kundër llojit më vdekjeprurës indian u rritën me një mesatare prej 4.4 herë.
Ndërkohë në një studim të zhvilluar në Afrikën e Jugut, u tha se të infektuarit me variantin Omicron kanë një rrezik më të ulët të shtrimit në spital në krahasim me variantin Delta.
(Kosova Sot Online)
