Lexoni edhe:
Qeveria e Kosovës detyrohet të mos e njoh marrëveshjen për asociacionin të firmosur nga Hashim Thaçi dhe Isa Mustafa!
Tërmet i fuqishëm në Greqi, ndihet edhe në Egjipt
Një tërmet me fuqi prej 5.7 shkallësh të Rihterit e goditi të mërkurën Kretën e Greqisë, tha Instituti Gjeodinamik. Nuk pati raportime të menjëhershme për të lënduar ose dëme materiale.
Qendra Sizmologjike Mesdhetare Evropiane më herët raportoi se fuqia e tërmetit ishte 6.1 shkallë. Autoritetet egjiptiane raportuan se dridhja është ndier në disa qytete egjiptiane.
Akis Tselentis, drejtor i Institutit Gjeodinamik, që ishte në Kretë, tha se autoritetet kanë dhënë informata të rishikuara për fuqinë e tërmetit prej 5.7 shkallësh, pasi më parë u raportua se dridhja ishte 5.6 shkallë. “Unë e ndieva”, tha ai për televizionin grek, Skai TV.
“Fatmirësisht ishte në det. Nëse do të ishte në tokë, do të mund të kishte dëme”, shtoi ai.
Sipas Institutit Gjeodinamik, epiqendra e tërmetit ishte në thellësi prej 42.7 kilometrash.
(Kosova Sot Online)
