Lexoni edhe:
Kosova është investim politiko-ushtarak i Amerikës
Flet shqiptari që plagosi nënën e tij natën e Vitit të Ri: Doja ta vrisja
Emiljano Domi, 25 vjeçari i cili natën e ndërrimit të viteve goditi me thikë pas shpine nënën e tij u tha oficerëve të policisë se kishte dashur ta vriste atë. Madje kishte menduar se ajo kishte vdekur kur ishte larguar nga banesa bëjnë të ditur autoritetet.
Ngjarja ka ndodhur në Elmwood Park në New Jersey. i riu pas krimit u arratis, por më pas u arrestua.
Emiljano tha se kishte debatuar me të ëmën pasi ajo kishte larguar xhaketën nga kolltuku i dhomës së ndenjes.
Pasi e kishte hedhur në tokë kishte marrë thikën dhe i inatosur kishte goditur me thikë në mes të shpatullave
“Doja ta vrasja” mësohet ti ketë thënë Domi policisë bëjnë të ditur mediat amerikane. Më pas është larguar nga banesa duke menduar se ajo kishte vdekur.
43 vjeçarja kishte arritur të mbijetonte pas ndërhyrjes kirurgjikale që i kishte hequr tehun që ishte ngulur në mes të shpatullave.
Djali më pas kishte shkuar tek puna e të atit për të kërkuar para për makinën. Ky i fundit ka marrë fillimisht në telefon bashkëshorten dhe më pas policinë.
Babai i 25 vjeçarit ka rrëfyer se i biri disa herë i kishte kërcënuar se do i vriste. Emiljano Domi është transferuar në një klinikë ku do të qëndrojë deri në momentin kur të dalë para gjykatës. Ai është akuzuar për tentativë vrsajeje dhe sulm.
(Kosova Sot Online)
