Edhe ky vend miraton vaksinimin kundër Covid te fëmijët e moshë 5 deri në 11 vjeç
Pas një sërë diskutimesh, Brazili ka miratuar vaksinimin kundër Covid për fëmijët e moshës 5 deri në 11 vjeç. Ministria e shëndetësisë ka theksuar se ka doza të mjaftueshme për të gjithë prindërit që duan të vaksinojnë fëmijët e tyre.
Fushata e imunizimit për fëmijët e moshës 5-11 vjeç, e cila llogaritet në 20.5 milionë në Brazil, do të nisë në mesin e këtij muaji, me vaksinat Pfizer.
Brazili u është bashkuar listës së gjatë të vendeve që kanë zgjeruar vaksinimin e fëmijëve.
Rikujtojmë se vendi është një nga më të prekurit nga pandemia. Brazili ka regjistruar 620,000 viktima që nga fillimi i pandemisë, ndërkohë ka vaksinuar plotësisht 67% të popullsisë.
(Kosova Sot Online)