Lexoni edhe:
Lufta kundër dukurive negative varet shumë nga Kryeprokurori!
Këshilltari i Kurtit i reagon ambasadorit gjerman rreth kërkesës për referendumin e Serbisë
Këshilltari politik i kryeministrit Kurti, Jeton Zulfaj, i është kundërpërgjigjur ambasadorit të Gjermanisë në Prishtinë, Jorn Rohde, pasi ky i fundit e ka shpërndarë në “twitter” qëndrimin dhe kërkesën e QUINT-it që t’iu lejohet serbëve të Kosovës të votojnë për referendumin e Serbisë bazuar në praktikat e më hershme.
Zulfaj ka thënë se praktikat e më hershme kanë qenë praktika të këqija, derisa ka rikujtuar se serbët me shtetësi të dyfishtë mund të votojnë përmes postës apo në zyrën ndërlidhëse të Serbisë në Prishtinë.
“ “Praktika e vendosur” ishte një praktikë e keqe ku strukturat e huaja ilegale janë lejuar që të operojnë lirshëm në vendin tonë. Të gjithë serbët në Kosovë me shtetësi të dyfishtë mund të votojnë në zyrën ndërlidhëse në Prishtinë ose përmes postës. Ju të gjithë e mbështetni sundimin e ligjit në Kosovë”, ka shkruar Zulfaj.
(Kosova Sot Online)
