Lexoni edhe:
Afera në Brezovicë zbulon lidhjen e politikanëve të shantazhuar me Listën Serbe dhe krimin e organizuar!
Aleanca për Ardhmërinë e Kosovës po e kundërshton organizimin e referendumit të Serbisë në Kosovë.
Zëdhënësi i AAK-së, Lulëzim Blaka, ka deklaruar se ky referendum është përpjekje për ta ushtruar sovranitetin e Serbisë mbi Kosovën.
“Në territorin e Republikës së Kosovës, nuk mund të organizohen kurrfarë referendumesh të shteteve të tjera, e as referendum i Serbisë, i cili pastër është përpjekje për ushtrimin e sovranitetit të Serbisë mbi Kosovën”, ka deklaruar Blaka.
Blaka tha se AKK-ja i mbështet të gjithë ata që e kundërshtojnë organizimin e këtij referendumi.
“Inkurajojmë dhe mbështesim të gjithë ata që e kundërshtojnë organizimin e këtij referendumi. Presim që zyrtarët e BE-së të jenë, së paku të paanshëm në raport me këtë çështje kaq të ndjeshme juridike e politike”, ka deklaruar Blaka.
Ndryshe shtetet e QUINT-it dhe BE-ja po kërkojnë që Kosova të lejojë mbajtjen e referendumit të Serbisë në Kosovë.
(Kosova Sot Online)