Lexoni edhe:
Me zgjedhjen e kryeprokurorit të ri të shtetit duhet filluar ç’kapjen dhe pastrimin e thellë të drejtësisë nga krimi i organizuar
Nis seanca e jashtëzakonshme ku do të diskutohet për situatën epidemiologjike
Deputetët e Kuvendit të Kosovës kanë filluar që të mblidhen në sallën e Kuvendit ku pas pak pritet të fillojë mbajtja e seancës së jashtëzakonshme, ku do të debatohet rreth situatës epidemiologjike në vend për pandeminë.
Pikë e vetme e rendit të ditës e kësaj seance do të jetë debati parlamentar për gjendjen me pandeminë në Kosovë.
Ndërkohë, po ashtu sot, duke filluar nga ora 15:00, Kuvendi do të mbajë seancë të re, ku do të diskutohen disa pika të rendit të ditës.
Kjo është agjenda për seancën e re:
Deklarimet jashtë rendit të ditës,
Pyetjet parlamentare,
Shqyrtimi i dytë i Projektligjit ne.08/L-035 për ndryshimin dhe plotësimin e Ligjit nr.04/L-017 për ndihmën Juridike Falas,
Shqyrtimi i raportit për mbikëqyrjen e zbatimit të Ligjit nr. 04/L-139 për Procedurën Përmbarimore, i ndryshuar dhe plotësuar me Ligjin nr. 05/L-118,
Shqyrtimi i raportit për mbikëqyrjen e zbatimit të Ligjit nr. 06/L-057 për Përgjegjësinë Disiplinore të Gjyqtarëve dhe Prokurorëve,
Formimi i Komisionit Ad-hoc për përzgjedhjen e kandidatëve për një (1) anëtar të Bordit të Radiotelevizionit të Kosovës, nga radhët e komunitetit serb,
Raportimi i Qeverisë së Kosovës në Kuvend rreth “Progresit në përfshirjen e objektivave të zhvillimit të Qëndrueshëm në legjislacion, politika dhe buxhet”,
Debat parlamentar lidhur me Raportin për Vendin për vitin 2021,
Zëvendësimi i anëtarit të GP LS në Komisionin për të Drejtat dhe Interesat e komuniteteve dhe Kthim.
(Kosova Sot Online)
