Lexoni edhe:
“Njerëzit e sekreteve: Xhavit Haliti, Hashim Thaçi , Bujar Bukoshi…”
Emisari amerikan Escobar i shkon për herë të dytë në zyrë presidentes Osmani
Shefja e shtetit, Vjosa Osmani është takuar sot sërish me Emisarin Special të ShBA-së Gabriel Escobar në ditën e fundit të vizitës së tij në Kosovë.
Për këtë takim ka njoftuar vet presidentja Osmani, teksa ka thënë se në takim me diplomatin amerikan ka shprehur përkushtim e palëkundur të Kosovës për marrëdhëniet mes dy shteteve.
“U takova sot me Zëvendësndihmës Sekretarin e Shtetit, Gabriel Escobar, në ditën e fundit të vizitës së tij në Kosovë. Shpreha përkushtimin tonë të palëkundër për marrëdhëniet Kosovë-ShBA dhe pres me padurim që të rrisim bashkëpunimin në fushat me interes të përbashkët”, ka shkruar Osmani.
Escobar i shoqëruar nga Emisari i BE-së, Miroslav Lajcak, kanë qëndruar në Kosovë që nga e hëna ku kanë zhvilluar takime me liderët institucionalë e politikë në vend. Qëllimi i vizitës së tyre është shtyrja përpara e një takimi të nivelit të lartë në kuadër të dialogut Kosovë-Serbi.
Dy emisarët sot do të udhëtojnë për në Beograd ku do të takohen me presidentin serb, Aleksander Vucic.
(Kosova Sot Online)
