Lexoni edhe:
Fshesa antikrim duhet ta pastron urgjentisht edhe Policinë e Kosovës
Helmimi në Deçan, prokurori thotë se çdokush ka mundur të ketë qasje në pusetat e ujit
Prokuroria Themelore e Pejës sot ka dhënë detaje rreth helmimit të mbi 1 mijë e 500 npersonave në korrik të vitit të kaluar.
Prokurori i rastit, Dorjan Juniku, në një konferencë për media ka deklaruar se është ngritur aktakuzë kudnër dy zyrtarëve të Kompanisë Rajonale të ujësjellësit në Pejë “Hidrodrini”.
Juniku deklaroi se rreziku deri te helmimi i qytetarëve nga uji i pijshëm është shfaqur qoftë nga mos sigurimi i pusetave, ku sipas tij, gjithkush ka mundur të ketë qasje për të ndërmarrë çfarëdo veprimi, si dhe nga mungesa e testimit të ujit të pijshëm dhe klorizimi i tij.
“Rreziku i përgjithshëm është shfaqë qoftë me mos sigurimin e pusetave, ku ka mujt gjithkush të ketë qasje dhe të ndërmerr çfarëdo qoftë veprimi pa pasur ndonjë pengesë, por edhe nga mungesa e klorit rezedual që në rastin konkret flet qartë që testimet nuk kanë qenë të rregullta, sepse po të kishin qenë të rregullta, edhe organi kompetent, në këtë rast “Hidrodrini” do të ishte në kohë me gjendjen e ujit të pijshëm se a është uji sipas standardeve apo jo”, ka deklaruar Juniku.
Juniku tha se për një kohë të gjatë, klorizimi është bërë në mënyrë manuale dhe jo sipas klorimetrit automatik me injektim.
“E sidomos fakti se edhe klorizimi i ujit një kohë të gjatë, deri pas shpërthimit, është bërë në mënyrë manuale dhe jo sipas klorimetrit automatik me injektim, i cili e bon klorozimin e ujit 24 orë pa ndërpre dhe vetëm ai ujë mund të konsiderohet si ujë i pijshëm dhe sipas standardeve, gjë që është vendosur vetëm pas shpërthimit të helmimit”, ka deklaruar Juniku.
(Kosova Sot Online)
