Lexoni edhe:
Të pasuruarit me krim organizojnë rezistencë kundër miratimit të ligjit për konfiskim
Ditë – Natë: Kuptojmë se sa na rritet fatura e rrymës qysh prej nesër
Kryetari i ZRrE-së, Ymer Fejzullahu, ka sqaruar tarifat e reja që u miratuan për rrymën në këtë institucion.
“Deri në 800 nuk ka rritje, do të përfitojnë njëqind për qind e konsumatorëve. Të gjithë konsumatorët edhe ata që konsumojnë mbi 800, bllokun në 800 do të faturohen pa rritje, mbi 800 do të faturohen me tarifën e natës ose tarifën e ulët rreth 6 cent dhe tarifën e lartë ose të ditës që është 12 cent”, ka thënë ai.
“Ata që konsumojnë psh deri në 1000 kv, do të ketë rritje për 10 euro gjatë muajve në vijim, mesatarisht. Varet edhe prej konsumimit. Mirëpo ne kemi theksu se varet prej konsumatorit se sa është fatura në raport me rrymën që shfrytëzojnë. 60 për qind e konsumit është gjatë ditës dhe rreth 40 për qind gjatë natës. Nëse kemi zhvendosje të konsumit në raport ditë-natë, do të kemi zhvendosje të të hyrave ose kostove vec e vec. Ka konsumatorë që e kanë edhe 50-50, varet se qysh kanë mundësi”, ka thënë Fejzullahu.
Ky vendim hyn në fuqi prej nesër.
“Vendimi hyn në fuqi prej nesër, konsumatorët deri në këtë datë, do të faturohen me tarifat ekzistuese. Prej 9 shkurtit do të faturohen me tarifat e reja. Këto mbesin deri më 31 mars 2023”, ka thënë ai.
(Kosova Sot Online)
